DAHIL MINSAN KELANGAN MAG-EVOLVE

KUNG DATI AKO SI VERSION 1

NGAYON AKO NA SI VERSION 2

DAHIL NAG-EEVOLVE DIN AKO

Switch ka ba?

Kasi you turn me on

Note: Mas cool kung habang binabasa mo ‘to eh pinapakinggan mo ang kantang ‘to.  Para mas lalong makeso.

At dahil Pebrero na, sige at magpapakacheesy muna ako.  Ngayon ko lang talaga gagawin ‘to.  Nakakahiya mang tanggapin pero may kakesohan din talaga ako kahit hindi talaga kapani-paniwala.  Basta ganun!  So heto, hayaan mong sabihin ko ang mga qualities ng isang lalake that turn me on.  Waaah!  Sasabihin ko ba talaga?  O siya sige na nga!  Wala namang nakakakilala sa akin dito in real life eh.  Kahit magpakabaliw ako, okay lang.

1. Musikero – Hindi naman kelangan miyembro ng banda eh.  Basta marunong kumanta, o kaya marunong maggitara, o kaya magdrums, o kaya magviolin o kaya magpiano.  Basta kahit ano doon.  Pero mas cool kung kakantahan niya ako ng Ligaya ng Eraserheads, mapapangiti niya ako ng sobra.  (At oo namimiss ko tuloy seatmate ko na lagi akong kinakantahan).
2. Artist – Hindi artista ah.  Basta inclined siya sa art gaya ng photography, o kaya painting, drawing, comics making, illustrating, layout designing, photoshopping o doodling.  Mahilig kasi ako sa art eh.  At saka baka mabigyan niya ako ng tips and techniques para maimprove ko pa ang aking skill (Ay oh?  May skill pala ako?).
3. May sense of humor – Simple lang.  Gusto ko laging masaya.  Gusto ko laging tumawa.  Gusto ko kwinekentuhan ako ng nakakatawa.  Alam mo ‘yon?  Para naman hindi ako laging nakasimangot.  At oo simangot queen talaga ako.  Mahal ang ngiti ko.  At syempre para naman maexercise ang mga muscles sa mukha ko.
4. Smart (Hindi Globe)– Hindi naman kelangang genius pagdating sa Math.  Hindi naman kelangang geek.  Hindi naman kelangang nerd.  Smart ang hanap ko at hindi intelligent.  Ah basta magkaiba ‘yon.  Kung ano ang tinutukoy kong smart, bahala ka na mag-imagine.
5. Matangkad – Please lang.  Gusto ko naman mas matangkad sa akin.  Kasi naman karamihan na natitipuhan ko, okay na sana kaso lagi na lang ako mas matangkad o kaya magkaheight lang kami.  Ayaw ko nun.  Mga 5’8 and above okey na ako.
6. Hindi maarte – Ayaw ko ng lalakeng masyadong maporma.  Ayaw ko rin ng masyadong vain.  Ayaw ko sa metrosexual.  Simple lang ang gusto ko.  Shirt/polo + Pantalon oks na ako dun basta malinis tignan.  Ayaw ko rin ng maya’t maya eh pupunta sa restroom.  Sipain ko mukha niya.
7. Marunong sa martial arts – Hindi naman kelangan na black belter.  Hindi rin kelangan na eksperto siya.  Basta marunong lang ng basics ng pagsipa, pagsuntok, paghawak ng arnis sabay paikut-ikutin, o kaya mga tipong self-defense.  Para naman kung sakaling may masasamang loob na sumalakay sa amin, syempre ayaw ko naman na ako lang makikipagsagupaan sa mga ‘yon.  Kelangan ko rin pakner.
8. Nakasalamin – Ewan ko ba pero alam mo ‘yon?  Talagang naaattract ako sa mga lalakeng may eyeglasses.  At please wag mo sabihing lolo ang hanap ko, tadyakan kita dyan eh.  Basta I like guys who wear eyeglasses.  Parang ang astig kasi tignan eh.  Pero please lang.  Ayaw ko naman sa mga lalakeng paeyeglasses eyeglasses eh hindi naman kelangan, pamporma lang kumbaga.  Baka tusukin ko pa mga mata niya.
9. Techie – Hindi naman kelangan na lahat ng gadgets eh nasa kanya.  Ang ibig ko lang naman sabihin eh, kahit papaano eh updated naman sa technology.  May alam sa pagdodownload ng mga movies,music at kung anu-ano pang software sa internet.  Tipong may nadidiscover na bago sa mundo ng worldwideweb.
10. Marunong magsalita ng ibang lenggwahe – Pero mas cool kung marunong magjapanese.  Para kung nag-uusap kami, atleast kami lang nagkakaintindihan.  At saka para matest ko na rin ang aking Japanese speaking ability.  Pero okey din kung marunong magspanish, magfrench, maggerman, magchinese, basta huwag lang Korean.  Nakokornihan talaga ako eh.
11. Anime Freak/Gamer/Manga Reader /Movie Buff/Music Lover– Para naman may mapag-usapan din kaming kakaiba.  Ayaw ko naman na kwentuhan namin eh tungkol sa future namin, tungkol sa dream wedding, tungkol sa gaano naming kamhal ang isa’t isa.  Anakngtokwa, iniisip ko pa lang nandidiri at nangingilabot na ako eh.  Ayaw ko ng masyadong seryoso sa pag-ibig.
12. Marunong ng kahit anong sports – Hindi naman kelangang player basta marunong lang okey na.  Ayaw ko ng lalake na ang sports eh volleyball.  Sorry nemen pero nababaklaan talaga ako eh.  Okay lang sa akin ang chess o Chinese checker basta huwag volleyball.  Pwede naman ang tennis o kaya table tennis.
13. Marunong kumontra minsan – Ayaw ko na palaging ako na lang ang tama.  Ayaw ko na palaging ako na lang ang masusunod.  Ayaw ko ng under.  Parang walang paninindigan sa buhay eh.  Parang robot lang.  Gusto ko may time na kokontra siya sa opinyon ko.  Tipong magdedebate kami.  Debate tungkol sa kung sino ang mas astig, Ginebra ba o Purefoods.  Mga tipong ganung usapan.  O kaya magdedebate tungkol sa kung ano ang kakainin, isaw ba o betamax.  At kung hindi talaga makadecide, idadaan na lang sa jak en poy.
14. Hindi masyadong maalaga – Ayaw na ayaw ko na tipong kukunin bag ko tapos siya na magbubuhat.  Nakakaasar lang talaga.  Oo, may kabigatan talaga ang bag ko pero iba na ‘yon eh.  Bag ‘yon eh.  Kumbaga personal property.  Ah basta ayaw ko ng sobrang maalaga na tipong sasabihin na bawal ka magsoftdrinks.  O kaya bawal ang matamis.  O kaya pipilitin kang kumain ng gulay.  Ano ako, anak niya? Ano siya, tatay ko?
15. Hindi galante – Kung pwede lang talaga, ayaw ko na nililibre ako eh.  Para tuloy nagkakaroon ako ng utang na loob sa kanya.  Dapat talaga kanya kanya.  Hindi naman ako parte ng budget niya eh.  At saka, estudyante pa lang kaya siya.  Huwag siyang mayabang.  Buti kung siya mismo ang naghanapbuhay para sa perang ‘yon eh galing lang naman sa magulang niya.
16. Parang si papa ko – Dahil isa akong dakilang papa’s girl.

Hindi naman ako masyado sa physical aspect eh.  Simple lang.  Hindi naman ako mahilig talaga sa mga gwapo eh.  Kasi karamihan na ngayon sa kanila eh mga baklush.  Gusto ko parang mala-Ely Buendia.  Hindi naman talaga siya kagwapuhan pero may something talaga siya na naaattract ako.  Basta ganun.  Simple pero rock!

PS. Corny na kung corny.  Cheesy na kung cheesy.  Eh bakit ba? Sa nalss na ako sa kantang ‘yan eh.

Paligayahin mo ako

Simpleng tao lang naman ako eh.  Simpleng-simple.  Simple rin ang kaligayahan ko sa buhay.  Simple rin ang kagustuhan ko.  Alam mo yun?  Simple lang talaga.  Hindi ganoon kalalim ang mga bagay na naaappreciate ko.  As in super babaw lang talaga.  Gusto mo malaman?  Ah, okey!

1. Bagong labang damit – Ewan ko lang ha?  Pero sa tuwing nakikita ko na bagong laba ang mga damit ko, ang saya-saya sa feeling.  Tapos alam mo ‘yon?  Ang bango-bango.  Hayyy…

2. Bagong palit na bedsheet – Di ba?  Ang sarap matulog kapag bago ang bedsheet.  Para kang nasa bed of roses.  At oo exaggerated na naman ako.  Pero di ba?  Ang sarap sa feeling.  Hayyy…

3. Natutulog habang umuulan – Kakaibang feeling.  Para kang nasa langit.  Ang peaceful ng dating.  Isang sanctuary.  Tapos ang lamig lamig.  Talagang kahali-halina matulog.  Ang mga unan, nag-aanyaya.  Ang kumot, nang-aakit.  Ang sarap matulog kapag ganyan.  Hayyy…

4. Makarinig ng Eraserheads song mula sa radyo – Scene: Nasa loob ng mall.  Paikot-ikot lang.  Wala lang.  Nag-iistroll.  Tapos biglang tumunog yung radyo.  At komon pare!  Eraserheads song!  Automatic, isang napakagandang ngiti ang iyong masisilayan sa aking labi.  Alam mo yun?  Kahit na paulit-ulit mong pinapakinggan mula sa iyong mp3/mp4/ipod ang isang kanta, tapos biglang mapapakinggan mo na lang kung saan-saan, kakaiba ang feeling di ba?  Kakaiba ang tama! Hayyy…

5. Bubbles kapag naglalaba o naghuhugas ng pinagkainan – Tuwang-tuwa ako sa bubbles at hindi ko maintindihan kung bakit.  Kaya siguro naeengganyo ako maglaba at maghugas.  Ang cute cute kasi eh.  Hayyy…

6. Amoy ng photocopy – Grabe lang talaga.  Maraming nagsasabi, adik daw ako.  Paano ba naman kasi pati amoy ng photocopy napakapleasant daw sa akin.  Ay sorry nemen.  Ang bango talaga eh.  Tapos mainit-init pa.  Grabe lang talaga ang feeling.  Hayyy…

7. Picture ni Ely Buendia – Heaven pare!  Alam mo yun?  Makita ko lang mukha niya sa net, okey na araw ko.  Meron pa nga dati, bore na bore na ako sa biyahe.  At syempre nakabus kami galing Pangasinan.  Hayun, itinulog ko na lang talaga.  Tapos biglang hayun, stopover.  Nagising ako.  Tumingin ako sa harap, anakngtokwa.  May poster pala ng Coke.  At ang model?  Syempre ang aking belabed Ely Buendia.  Grabe lang.  Hindi na ako natulog.  Tinitigan ko na lang poster niya buong biyahe.  Hayyy…

8. Ang buwan at mga bituin – Ang ganda sa paningin.  Kaya elib na elib ako kay God eh.  Akalain mong naisip niya yun?  Kaya nga sa tuwing naglalakad ako kapag gabi, tuwang-tuwa ako kasi nakikita ko sila eh.  At minsan dahil sa kakatingin ko sa kanila, hindi ko na napapansin dinadaanan ko, at hayun muntik masagasaan.  Hayyy…

9. Makasolve ng Math problems – Naglulundag ako sa saya.  Kinikilig.  Abot hanggang tenga ang ngiti.  Ganyan ako mainlab este kapag nakakasolve ng math problems.  Alam mo yun? Yaong tipong iyak na iyak ka na tipong susuko na kasi wala eh hindi mo talaga masolve.  Tapos biglang sige magsosolve ka ulit, tapos hurray!  I did it!  Hayyy…

10. Making someone smile –  Wala lang.  Masaya na ako na napangiti ko sila.  Na napatawa ko sila.  Alam mo yun?  Parang kumpleto na araw mo?  Basta ganun?  Ang saya di ba?  Pati ikaw matutuwa o mapapasmile na rin.  Hayyy…

Simple lang naman diba?  Hindi kelangan ng pera?  Hindi materialistic.  Simple pero tagos to the bones.  Kakaibang kasayahan.  Kakaiba ang tama.  Yun lang.  *bow*